وشغف المصريين بالمسلسل
انتشرت على صفحات التواصل الإجتماعي جروبات وصفحات عن المسلسل الذى يحكى قصة ريا وسكينة وظاهرة إعادته على كافة الفضائيات على مدار السنوات الماضية دون ملل من المشاهد .
وبدءت هذه الصفحات فى وضع الاضافات والصور عن القصة الحقيقية، وصور تم استخدام الذكاء الاصطناعي فيها لإظهار الوجوه الأقرب للحقيقة عنهم وعن ضحاياهم.
اخترنا من هذه الإضافات ما يلى :
ريا اتولدت سنة 1875م في قرية الكلح أسوان .. أخوها ابوالعلا اكبر منها بسنتين.. وسكينه اتولدت سنة 1885 بعد الأسرة ماانتقلت لبني سويف.
بعــد كــدا.. راحوا كفر الزيات ( بلد امهم – زينب ) وهناك ريا إتجوزت واترملت .. وسكينه اتجوزت وأتطلقت 😟😞
🔸️بعدهــا.. سكينه هربت علي إسكندرية مع راجل بتحبه عشان تكون أول واحده في الأسرة توصل اسكندريه والكلام ده كان سنة 1913م .
بعـدهــا بـ 3 سنين ريا حصلتها .. وفضل ابو العلا وأمه في كفر الزيات.
بيت الخواص بكرموز 1916م
اول بيت سـ ـري لممارسة الرزيلـ ـة تحت إدارة ريا ومعاها صديقتها – روما – سحابه درجه أولي- ومعاهم حسب الله وأم ريا وأخوها ابو العلا .. وبعدهم انضمت سكينه .. ومن وقتها حسب الله بدأ يعمل كبير عشان ياخد ايراد البيت كله – يصرفه ع الدخان – وبدأت المشاحنات..
وبعد خناقـ ـه كبيره مع سكينه راح اشتكاها لصاحبتها مريم الشاميه وخيرها بين انها تسيب #بيتالخواص وتمشي او هما اللي يسبوه ويمشوا .. سكينه اختارت أنها تمشي،وندمت بعدها علي قراراها ده ، واخدت حجره في شارع عبدالمنعم قريب من #بيتالخواص .. وبدأت تمارس فيه نشاط الدعـ ـاره السـ ـريه .
زي ماقـــولنا..
سكينه ندمت أنها اخدت قرار أنها تسيب #بيتالخواص وتمشي بعد ماعملت اسمه وسمعته !! فقررت تنتقم وفـي يــوم.. عملت نفسها سكرانــه وراحت القسم وبلغت المأمور نفسه عن #بيتالخواص بتاع ريا ، البوليس عمل كبسه وقبض عليهم ، والمأمور أنذرهم يسيبوا البيت ..
محمد عبدالعال وسكينه همام :
فـي الوقــت ده.. محمد عبدالعال اتعرف علي سكينه عن طريق صاحبه ( محمد سداد ) اللي كان مرافـ ـق سكينه .. ولما شافها وقع في غرامها وهي كمان
بعـــد كـــدا.. سكينه وعبدالعال راحوا باب سده وريا وحسب الله راحوا #المسكوبيه .. وده البيت اللي اتعرفوا فيه علي باقى أفراد العصابـ ـه..
عرابي حسان ( عرابي الصوامعى ) :
وقتها كان عنده 25 سنه نفس عمر حسب الله تقريباً .. كان فتوه معروف في المنطقه.. وبحكم خبرته عرف ان ريا وحسب الله فاتحين بيتهم للمسخـ ـره .. فقرر انه يتعرف عليهم ويقرب منهم .. وبعد كدا بدأ يجيب معاه عشيقتـ ـه #نظله_ابوالليل ..
سفر الرجاله للعمل في السلطه 1917 :
في السنه دي الرجاله التلاته سافروا السلطه – بيخدم مع الجيـ ـش الانجليزى في الخطوط الخلفيه –
محمد عبدالعال قعد أطول مده ، من أواخر سنة 1917 الي اول سنة 1919 ، وبعده عرابي ، واقلهم مدة خدمه كان حسب الله.
بيـت الكـامــب
خلال الفتره دي كانت ريا وسكينه عملوا اكبر مشروع استثماري في مجال البغـ ـاء السـ ـري، #بيتالكامب وكان بيخدم فيه حوالي 22 امرأه اولهم #نظلهأبوالليل
وفي خلال شهور قليله البيت صيته سمع، وأصبح أشهر بيت في المنطقه.
ريا وسكينه عشان يعوضوا غياب الرجاله.. جندوا الشاويش #عبدالموجود_عبدالرحيم المسؤول عن الأمن في المنطقه اللي فيها بيت ريا .. وهو اللي كان بيتعامل مع الزبون اللي مش عاوز يدفع او اللي بيعمل شغـ ـب ..
المشروع كبر وبيت الكامب بقي مشهور والدخل بقي كويس وده شجع ريا انها تبعت لأمها اخوها أبو العلا عشان يعيشوا معاهم ..
بعــد كــــدا.. وبسبب مشاكل من حسب الله – كالعاده – اللي اعترض ع الوضع فقرر انهم ينفصلوا في المعيشه ويفضلوا شركاء في مشروع #بيتالكامب .. بعدهـــا انتقلوا لحي #المسكوبيه في حجرتين جنب بعض .. وقعدت ريا و حسب الله في اوضه في الدور الأرضي من المنزل رقم 8 بـ #حارةعلي بك الكبير ..
وسكينه قعدت مع عبدالعال علي بعد شارعين من بيت ريا في اوضه دور أرضي بحارة #ماكوريس في المنزل المعروف باسم #بيت_الجمال ، – نسبة الي مالكيه –
وخـــلال الفتـــره دي قامـــت ثـــورة 1919
حسب الله صمم ان عبدالعال لازم يتجوز سكينه بعد طلاقها من احمد رجب ومش هينفع وضع انه يرافقهــ ـا..
لكن محمد عبدالعال كان عنده مشكله ان ابوه وعمه وأخوه كانوا عايشين في أسكندريه وكانوا رافضين فكرة جوازه من سكينه . وبعتوا جابوا امه من البلد عشان تواجه عبدالعال وتبعده عن سكينه ..
مقابلة سكينه وأهل محمد عبدالعال
كان يوم من اســـوء أيام سكينه ..
في يوم سكينه كانت سكرانـــه من كتر الشرب بسبب التفكير في معاملة عبدالعال لها، وأنها مستنيه يقابلها بأهله ويعرفهم خبر جوازهم .. ولما حست بالعطش طلعت تشرب من القله اللي في الدور التاني في #بيت_الكامب وهي واقفه في الشباك وبترفع القله شافت واحد معدى تحت البيت وبيبص عليها معجبهاش الوضع، قامت راميه القله علي دماغه ونزلت فيه شتيمـ ـه واهانـ ـه بأبشـ ـع الألفـ ـاظ.. الراجل اللي كان اسمه ( محمدابوطلبه ) وبدأ يرد عليها .. والخناقـ ـه كبرت .. والشاويش عبدالموجود كان وقتها في البيت وخرج يهدد الراجل ويخوفـ ـه من انه يروح يعمل محضر في الشرطه ..
وفي ظهر اليوم التاني محمد ابو طبله قرر يجمع زمايله ويهجمـ ـوا علي #بيت_الكامب .. ومن ســـوء حظه كان موجود فتوة البيت في الوقت ده (عطيه الشرنوبي ) وقامت معركـ ـه بين الفتوه بيساعده حسب الله وريا وسكينه .. ومحمد ابو طبله ومعاه الرجاله التلاته .. وانتهت الخناقـ ـه بفقـ ـد محمد ابو طلبه لإحدي عينيه والحكم بالحبـ ـس فيما بعد علي عطية الشرنوبي بالحبـ ـس والأشغال الشاقه لمدة 3 سنين.
والمأمور أمرهم انهم يتركوا #بيت_الكامب ويشوفوا مكان تاني وإلا هيعملهم قضيه ويحبسهم، وطبعا نفذوا الأمر بدون تردد ..
سكينه طبعا كانت في أسوأ حالاتها النفسيه ولسه خارجه من القسم بعد الخناقـ ـه لقت محمد عبدالعال مستنيها عشان يعرفها علي امه ..
سكينه اول مادخلت لقيت امه، وابوه، وعمه، ومرات عمه، وأخوه، ومرات اخوه، وعرفت من نظراتهم انها قدام لجنة امتحان ..لكن مسكت نفسها .. وبعد ماخلصوا العشاء استأذنت عشان تمشي .. وصممت ان عبدالعال يروح معاها .. وده مكنش اتفاق عبدالعال معاها وهما جايين في الطريق .. وفي المقابل طلبت الأم من محمد عبدالعال ان يطلق سكينه فوراً .. وقامت معركـ ـه كلاميه عنيفـ ـه بين سكينه وأهل محمد عبدالعال .. وطبعا سكينه قامت بيهم كلهم ..
وانتهت بقول ام محمد عبدالعال : لو ماطلقتهاش تقطع كل صله لك بينا ليوم الدين ..
وخرج عبدالعال مع سكينه وبيحاول يقنعها انها تروح وهو يرجع لأمه يراضيها .. فاتخانقـ ـوا مع بعض، ووصلت انها دخلت القسم تشتكيه للمأمور وصممت انه يا اما يرجع معاها وأما يطلقها .. وتاني يوم فضلت مصممه ع الطلاق فطلقها وراحوا للمأذون ووثقوا الطلاق ..
محششـــه ال همام وال النص بحارة النجاه :
بعــد ماسابوا #بيتالكامب ريا اشتغلت لوحدها في بيتها بحارة علي بك الكبير .. وساعدها ان البيت كان ضلمه ليل ونهار .. وسكانه نوبييون بيخرجوا شغلهم الصبح ويرجعوا بعد العشا وفي حالهم. وفي الشارع المقابل سكينه شغاله لوحدها في شارع #ماكوريس وساعدها ان سكان البيت كانوا من البغايـ ـا اللاتي يعملن بنقطة المومسـ ـات بكوم بكير ومن اللي كانوا بيخدموا معاها في #بيتالكامب .. وأولهم خضره محمد اللامي..
بعـــد 3 أسابيع من طلاق سكينه وعبدالعال، راحتله المحلج وطلبت منه انهم يعيشوا مع بعض من غير جواز وان جوازهم كان غلطه من البدايه 🙃
ام احمد النص | أبو أحمد النص :
🔸️أمينه بنت منصور 60 سنه .. دلاله .. وهي اللي كانت بتأجر البيت بتوكيل من صاحبه الراجل العجوز المريض ..
محمد علي القادوسي .. عربجي .. باع العربيه والحصان عشان يصرف علي علاجه، وفضل مقضيها حشيـ ـش وعايش في وهم انه يبقا صاحب عربخانه وعنده خيل وعمال يشتغلوا تحت امارته .. فتح محل لبيع الطيور وفشل قرر يفتح مطعم، وبرضه فشل، فقرر يبيع خمره وفشل برضه عشان كان بيغشها
ومع توسع نشاط ريا اخدت حجره تانيه في المنزل رقم 9 بحارة علي بك الكبير المواجه لمنزل ام احمد النص اللي كانت طبعا عارفه نشاط ريا .. وفي الوقت ده ظهر محمود أبو زكاك ابن اخت ام احمد النص .. اللي جاي يقعد عند خالته ويدور علي شغل ..
ام احمد النص عرضت علي ريا وسكينه مشروع استثمارى مغري، وهو انهم يرجعوا يشتغلوا مع بعض وعرضت عليهم ان ريا تحول حجرتها في المنزل الي محششه يقوم بادارتها ابن اختها الزكاك .. وسكينه تيجي تاخد اوضه في الدور التاني من نفس البيت وتصورها، والدكان بتاع ابو احمد النص يشتغل في بيع الخمـ ـور ..
وبكدا اكتمل مثلث الرعب الخمر والحشيش والجنس
وكمان سكينه زودت ع المشروع فكرة تقديم الأكل للزباين
الكلام ده كان شهر أكتوبر 1919 م
عبدالرازق يوسف – الرزل :
ومع بداية افتتاح المحششـ ـه، بدأ ظهور عبدالرازق يوسف، عربجي من أبناء حي اللبان وكان بيستمد قوته من غلاسته وبجاحته وسجله الاجرامي.. تواريـــخ مهمـــه : -----------------------
24 أكتوبر 1919 ..
مظاهرات في أسكندريه وعشرات الشهداء والجـ ـرحي.
14 نوفمبر 1919 ..
تصاعد المواجهات بين المتظاهرين وقوات الاحتلال أسفرت عن 13 شهيد و 79 جريـ ـح.
28 نوفمبر 1919 ..
تصاعد الموقف مره ثانيه ووصلت المواجهة الي ذروتها وأسفرت عن 9 شهداء و 30 جريـ ـح
واصدر الاحتلال قرار بحظر التجوال من الساعه 9 وإطلاق النار مباشرة علي المخالفين.
20 ديسمبر 1919 ..
وفي ظل هذه الأوضاع تعرض بيت حارة النجاه لحالة ركود، وده اللي خلاهم يفكروا في مصدر دخل تاني يكون مضمون وثابت .. ومن هنا ظهرت لأول مره فكرة قتـ ـل النساء البغ ـايا
وكانت الضحيه الأولي يوم 20 ديسمبر 1919 هي خضره محمد اللامي ..
انتهـــي الجـــزء الأول ..أنتظـــر الجـــزء التانـــي
