وجهه المهندس هشام عثمان رسالة على صفحته إلى رئيس نادى الجزيرة الرياضي يطالبه فيها بالاعتذار وقال فى رسالته (
السيد / شريف سيف النصر
رئيس مجلس ادارة نادي الجزيرة
من حق حضرتك تدافع عن ناديك ضد المقترح الخاص بالجراچ المطلوب انشائه اسفل ارض الجولف.
حضرتك حر في تقسيم اعضاء ناديكم الي مجموعتين: القديم والجديد.
حضرتك حر في وصف اعضاء ناديك الجداد بأنهم لا يمتوا بصلة للنادي ووصفهم بأنهم بوظوا النادي.
حضرتك حر انك تصف اعضاء ناديك الجداد بأنهم عايزين السندوتش ب ٣ صاغ.
انما مش من حق حضرتك ابدا انك تتهكم وتتريق علي نادي الصيد العريق.
عيب قوي
هذا نص رسالة حضرتك:
“نعمل جمعية عمومية غير عادية ونطلب ان الناس هي اللي ناخد رأيها في النادي وييجوا بقي الناس القدام اللي لايمكن يقبلوا بحاجة زي كده وييجوا الناس الجداد اللي اصلا عايزين السندوتش بثلاثة صاغ وعايزين النادي يبقي باركنج ويطلع بالاسانسير علي الجنينة ويقعد في البرجولا”
“تابعوا ردود افعال الناس بس مش الناس الجديدة التي لا تمت ولا تعبر عن النادي اللي قاعدين دول اللي ما نعرفهمش اللي هم الفين تلات الاف نفر اللي بييجوا اللي لو عليهم يقلبوا الحولف الي مطاعم ويعملوها زي ههههه نادي الصيد اللي معجبين بيه ويطلعوا معسكرات زي مرسي مطروح والشلة الجديدة اللي دخلت النادي وبوظته”
اظن ان حضرتك مدين لنادي الصيد العريق واعضاءه الكرام بالاعتذار.
