السادات : مكان الهواء فيه يرد الروح !
كتب : شريف عبدالباقى
فى لقاء جمعنا به بنادى مدينة ٦ اكتوبر ، قال لنا العظيم المهندس حسب الله الكفراوي ( رحمة الله عليه ) انه كان مرافق للزعيم أنور السادات فى الهليكوبتر لتحديد مواقع المدن الجديدة ( العاشر و مايو والسادات … ) وقبل إنتهاء الجولة سأله الكفراوي و 6 اكتوبر هتكون فين باريس؟
رد السادات وقال له ( أصبر ) هتكون فى مكان ( الهوا فيه يرد الروح ) زى نصر اكتوبر ما رد لنا الروح عام 1973 على الطريق الصحراوى، وكنت ببعت منه الإشارات للألمان وقت حرب العلمين لانه مكان مرتفع بعد الاهرامات !
وكان الاختيار بنزول الهليكوبتر فى يطلق عليه حاليا بمحور الكفراوى
وهو المكان اللى اشترى فيه الكفراوي ( نظيف اليد عف اللسان ) قطعة الارض اللى بنى فيه بيته !
رحم الله العظماء على هذا الإنجاز التاريخي، والمدينة التى تخطى سكانها 6 مليون نسمة وتم تقسيمها إلى 5 مدن هى ( اكتوبر و زايد وسفنكس وحدائق أكتوبر و اكتوبر الجديدة) حتى الان .
رحم الله السادات شهيد اول انتصار على الصهيونية الدولية ودفع حياته ثمنا لهذا الانتصار !
